साताको दोस्रो कारोबार दिन सेयर बजार ३ प्रतिशतले घट्याे

श्राेतः इन्टरनेट

काठमाडाै । नेपाली सेयर बजारमा साताको दोस्रो दिनमा सेयर कारोबार उच्च अंकले गिरावट आएको छ ।

नेप्से परिसूचक कारोबारको पहिलो घण्टा चलिरहँदा ५८.०३ अंकले अर्थात् ३ प्रतिशतले घटेको हो ।

क वर्गका कम्पनीको कारोबार मापक सेन्सिटिभ सूचक पनि २.९३ प्रतिशत अर्थात् १०.८४ अंकले ओरालो लागेको छ ।

११ः३४ बजेसम्म १ सय ५८ कम्पनीको १५ लाख २९ हजार कित्ता सेयर किनबेच भएकाे छ ।

अहिलेसम्म ९ हजार ४ सय ९७ पटक खरिदबिक्री भएको छ भने १ अर्ब ७ करोडको सेयर किनबेच भएको छ ।

अहिलेसम्म नेपाल लाइफ इन्स्योरेन्स कम्पनीको २० करोडको र पुनर्बीमा कम्पनीको १३ करोडको कारोबार भएको छ ।

आइतबार प्रतिनिधिसभा विघटन भएसँगै राजनीतिक असर सेयर बजारमा देखिएको हो ।

यसअघि उछाल आइरहेको सेयर बजार हिजो पनि उच्च अंकले गिरावट आएको थियो ।

ताजा अपडेट