लकडाउन यता नेपालमा २४ अर्ब ६ करोड ८१ लाख ७० हजारको मोबाइल आयत

काठमाडौं । कोरोना महामारी रोकथाम तथा नियन्त्रणका लागि गरिएको लकडाउन भएयता मोबाइलको प्रयोग निकै बृद्धि भएको देखिएको छ ।

चालू आर्थिक वर्षको पछिल्लो सात महिनाको तथ्यांकले यस्तो देखाएको हो । यस अवधि सम्ममा नेपालमा २४ अर्ब ६ करोड ८१ लाख ७० हजार रुपैयाँ बराबरका मोबाइल भित्रिएको देखिएको भन्सार विभागको तथ्यांकले देखाएको छ ।

यस अवधिमा कुल ४३ लाख ६८ हजार ८७२ थान मोबाइल आयात भएको भन्सार विभागले जनाएको छ । यसबाट सरकारले ३ अर्ब ८० करोड ८९ लाख ७८ हजार रुपैयाँ राजश्व संकलन गरेको छ । त्यस्तै,माघ महिनामा मात्रै ७ लाख ४ हजार २२४ थान मोबाइल नेपाल भित्रिएको भन्सार विभागले जनाएको छ । जसका लागि ३ अर्ब ४३ करोड ७८ लाख ४८ हजार रुपैयाँ खर्च भएको छ । त्यसैगरी,चालु आर्थिक वर्षको सात महिनासम्म ६१ हजार ३९७ थान स्मार्ट वाच भित्रिएको भन्सार विभागले जनाएको छ । सो खरिदका लागि नेपालबाट १२ करोड ४१ लाख ७९ हजार रुपैयाँ नेपालबाट बाहिरिएको विभागले जनाएको छ ।

देश                          मोबाइल                                            मूल्य

चीन                     ३६३२४०२                                    १५ अर्ब ३६ करोड ७५ लाख ८१ हजार
भारत                   ५४०९४४                                     ७ अर्ब ६० करोड ९२ लाख ९० हजार
भियतनाम             १९०८७०                                      ९० करोड १६ लाख १२ हजार
अन्य                     ४६५६                                         १८ करोड ९६ लाख ८५ हजार
जम्मा                   ४३६८८७२                                    २४ अर्ब ६ करोड ८१ लख ७० हजार

स्रोत : भन्सार विभाग