इंग्ल्यान्डको फराकिलो जित

कतार विश्वकप २०२२ को युरोपियन छनोटमा इंग्ल्यान्डले सान मारिनोमाथि ५–० को फराकिलो जित निकालेको छ ।घरेलु मैदान वेम्वली स्टेडियममा बिहीबार राति भएको खेलमा इंग्ल्यान्डको फराकिलो जितमा डोमिनिक काल्भर्ट लेविनले दुई तथा जेम्स वार्ड प्राउज, रहिम स्टर्लिङ र ओले वाट्किन्सले समान एक गोल गरे । पहिलो हाफमा ३ तथा दोस्रो हाफमा २ गोल सम्भव भएको थियो ।जितपछि इंग्ल्यान्ड समुूह ‘आई’ मा ३ अंक जोडेर शीर्षस्थानमा रहेको छ । समान ३ अंक भएपनि अल्वानिया दोस्रो स्थानमा रहेको छ । समान १ अंक जोडेको पोल्यान्ड र हंगेरी तेस्रो र चौथो स्थानमा रहँदा अंकविहीन एन्डोरा र सान मारिनो पाँचौ र छैटौ स्थानमा रहेको छ ।

ताजा अपडेट